На вуліцы Дзяржынскага ініцыятыўная група жыхароў спрабуе адмяніць рашэнне выканкаму пра знос іх дамоў і будаўніцтва на гэтым месцы дзесяціпавярховых чалавейнікаў. А паралельна такі ж канфлікт інтарэсаў паміж жыхарамі і выканкамам пачынаецца па вуліцы Грыцаўца. Тут таксама хочуць часткова перабудаваць раён і пашырыць вуліцы, але ў свой час людзям разадалі ўчасткі для самастойнага будаўніцтва. І некаторыя будуюцца, або перабудоўваюцца да гэтае пары.
У раёне ўжо праходзіў збор подпісаў сцпраць рашэння выканкаму, а выканкам у сваю чаргу правёў грамадскае абмеркаванне. Такой колькасці зваротаў на абмеркаванне не збірала нават абмеркаванне генеральнага плану горада.
У адрозненні ад абмеркавання па пытанні флагштока які не сабраў аніводнага зварота, гэтае абмеркаванне сабрала вельмі вялікую колькасць зваротаў і ўсе яны супраць праэкта. 65 зваротаў, якія паступілі ў камісію індывідуальныя. І два калектыўных з 274 подпісамі. Прычым калектыўнае гаворыць пра фармальныя парушэнні пры абмеркаванні і просіць адмяніць прызначанае грамадскае абмеркаванне.
У большасці выпадках касмісія выканкаму піша, што звароты грамадзян не адпавядаюць нормам. І рэкамендуе праэкт да рэалізацыі.
