Мы ўжо пісалі, што ўчора 7 верасня каля кінатэатру "Пабеда" на вуліцы Леніна адбылася аварыя. Каля 18 гадзін тут сутыкнуліся грузавік МАЗ і пасажырскі аўтобус. Падобна на тое, што аўтобус прытармазіў на ляжачым паліцэйскім, а кіроўца грузавіка не паспеў затармазіць.
Здавалася б дзяжурная аварыя, але праблема ў тым, што аўтобус быў з людзьмі. Гэта былі расейскія турысты, якія праз Оршу ехалі з Масквы ў Магілёў. І пакуль ДАІ разбіралася ў аварыі, турысты вымушана аглядалі аршанскую вуліцу Леніна. Як мінімум да 21-40 (амаль чатыры гадзіны) расейцы былі ў Оршы. Прынамсі, у гэты час пасажыры аўтобуса запісвалі відэа і скардзіліся, што транспартная кампанія "Аліса Тур" нічога не робіць, каб паскорыць іх паездку.