Усяму свой колер. Яшчэ выбітны беларускі мастацтвазнаўца і паэт Міхал Анемпадыстаў гаварыў пра рознасць адценняў і колераў, іх адметнасць і значэнне для беларускай культуры. У кнізе «Колер Беларусі» Анемпадыстаў пісаў, што блакітны ў беларускай традыцыі мае некалькі значэнняў, гэтым колерам фарбавалі цэрквы, гэта абазначала і мару. Чорны колер у нашай традыцыі не меў адназначнага значэння жалобнасці і суму, часта ён абазначаў простасць у быце і памкненнях.
Менавіта блакітны і чорны колер з’яўляюцца традыцыйнымі і першымі колерамі аршанскага «Старту», які пакуль не вярнуўся да гістарычнай назвы, але ўвасоблены ў сучасным ФК «Ворша». Пра гэта піша аўтар кнігі «На „Старт“ і ў „Тэмпе“» Арцём Сізінцаў.
«Мы пакуль ня ведаем, якія колеры былі ў самых раньніх аршанскіх камандаў. Але ведаем — карыстаючыся пратаколамі
Пры савецкай уладзе быў дэфіцыт практычна любых тавараў, таму пра захаваньне традыцый у спорце мова пайшла не адразу. Камандам часта загадамі зьверху зьмянялі назвы, а колеры на сэзон выбіраліся выпадкам у залежнасьці ад таго, якія спартовыя касьцюмы завезьлі ў краму „Спорттавары“ сёлета. Тканіны не былі надта якаснымі, а таму форма служыла адзін сэзон. Толькі ў Вышняй лізе СССР сапраўды існавала такая зьява, як „клюбныя колеры“. Таму аршанскія каманды, якія выступалі толькі на рэспубліканскім узроўні, пасьпелі пагуляць у самых розных колерах.
Аднак пры гэтым можна прасачыць тэндэнцыі. У кнізе „На ‘Старт’ і ў ‘Тэмпе’“ ёсьць цэлы разьдзел, прысьвечаны строям, у якіх гулялі раней. Дзякуючы працы мастакоў, мы маем выявы строяў розных гадоў.
У наш час мацуецца тэндэнцыя да пераемнасьці з колерамі, у якіх выступалі шпурлякісты мінулага.
Шануйце колеры мясцовага клюбу! Нашы — блакітны верх і чорны ніз».
Нагадаем, што на кнігу па гісторыі футболу на Аршаншчыне «На „Старт“ і ў „Тэмпе“» працягваецца збор. Жыхары Беларусі могуць аформіць папярэдні заказ на кнігу крыптавалютай або карткамі замежных банкаў, апрача расейскіх.