Пстрычок па рэкламе ў Instagram каштаваў пенсіянерцы 17 000 рублёў. 62-гадовая жыхарка Воршы натрапіла ў Instagram на рэкламу аб заробку на крыптавалюце.
Жанчына пакінула заяўку, і з ёй тут жа ў мэсэнджэры звязаўся мужчына, які прадставіўся спецыялістам па здзелках з крыптавалютай. Ён пераканаў пенсіянерку ў прыбытковасці крыптапродажаў, і жанчына пад яго кіраўніцтвам пачала «інвеставаць».
У жніўні яна зрабіла першы перавод — каля 5000 рублёў са сваіх ашчаджэнняў. Праз некаторы час яна паспрабавала вывесці прыбытак, але ёй адказалі, што для гэтага трэба пабольш укладанняў. Тады яна ўзяла павер у банку на 5300 рублёў. Жанчына зноў перавяла грошы і пачула, што для вываду дывідэндаў патрэбны яшчэ ўзносы. Тады беларуска ўзяла яшчэ адзін павер, на гэты раз на суму 5100 рублёў, і пазычыла 1600 рублёў у суседзяў.
Атрымаўшы грошы, ашуканцы перасталі выходзіць на сувязь.
Распачата крымінальная справа па частцы 3 артыкула 209 КК РБ (артыкул за махлярства).
Нягледзячы на неаднаразовыя папярэджанні, людзі, асабліва пенсіянеры працягваюць трапляцца сваёй наіўнасцю на «вуду» ашуканцам.