Турнір праходзіць з 27 кастрычніка па 2 лістапада ў ДзЮСШ №2 па вуліцы Леніна, 39а. Чэмпіянат свету ахоплівае толькі дзіцячы і юнацкі ўзросты. Адбываюцца спаборніцтвы сярод хлопчыкаў і дзяўчынак, так званых "Надзей" і міні-кадэтаў (10-13 год).
Адбыліся і першыя гульні: у катэгорыі міні-кадэтаў у хлапцоў на першых месцах ідуць галандзец Марка дэ Лееуў і эстонец Андрэас Тульва, якія атрымалі па тры перамогі. У дзяўчынак катэгорыі "міні-кадэты" на першым месцы ідзе Кацярына Восіпава з Расіі. У хлопчыкаў-"надзеяў" лідарства апынулася ў руках расіянаў Тамерлана Ахмерава і Даніла Іліна, у якіх па тры пераможных матча. У дзяўчынак рэй вядзе Дуурэнбілэг Ганбат з Манголіі. Вольга Балукова з Расіі таксама выйграла тры паядынкі.
Падрабязныя вынікі можна адсочваць тут.
