У самым канцы 1969 году і пачатку 1970 аршанскі клуб «Машынабудаўнік» прыняў удзел у першынстве Савецкага Саюзу ў бэндзі (хакеі з мячом ці, як звычайна называлі гэты від у нас у Беларусі, «рускім хакеі»). Гэта быў першы і адзіны ўдзел аршанцаў у агульнасавецкім першынстве, што сведчыла пра высокі прэстыж каманды.
Хатнія сустрэчы аршанцы праводзілі на стадыёне «Лакаматыў». А на гасцявыя ездзілі ў савецкія Расею, Украіну, Латвію.
Склад «Машынабудаўніка» (Ворша, БССР):
брамнікі — А.Дробышаў, Я.Позін.
абаронцы — А.Сусман, В.Шакуля, В.Вахрушаў, Э.Гайдзецкі.
паўабаронцы — А.Шаўлінскі, М.Нікіфараў, Ф.Бычынскі, Я.Апішаў, Н.Альхоўка, В.Жаўно, В.Лабкоў, Д. Карнееў.
нападнікі — Г.Галубовіч, А.Бокуц, І.Лагімахаў, А.Шалаеў, В.Каберскі.
Многія з гульцоў бэндзійнай дружыны адначасова былі і футбалістамі, выступалі за «Старт» у першынстве БССР і якраз у тыя часы здабылі пуцёўку ў Групу А першынства БССР — наймацнейшую лігу рэспублікі.
Падрабязна пра выступ каманды ў першынстве СССР у бэндзі расказала старонка «Радыё Аршыца» — дзённік пра гісторыю аршанскага спорту. Там можна прачытаць падрабязны тэкст пра тое першынство.
