Менская «Сталіца» ўжо шмат гадоў з’яўляецца адным з асноўных супернікаў для аршанскага «Вітэну» ва ўсіх міні-футбольных спаборніцтвах. Каманды рэгулярна аспрэчваюць кубак, суперкубак і першынство краіны.
На гэты момант «Вітэн» мае 28 пунктаў, у «Сталіцы» на адзін менш. У межах першынства, якое гуляюць у два колы, гэта зусім не вялікая і не істотная розніца. Справа ў тым, што каманды на дадзеным этапе барукаюцца за выхад у фазу ўцінання, то бок другую фазу спаборніцтваў, калі пойдуць серыі на вылет. А ў тым, што па выніках рэгулярнага першынства і аршанцы, і менчукі трапяць у другую фазу, амаль ясна ўжо цяпер.
Аршанцаў у турнірнай табліцы апярэджвае толькі «Мінск», які мае на адзін пункт болей.
Сустрэча «Сталіца» — «Вітэн» адбудзецца ў Менску 10 лютага. Яе пачатак запланаваны на 18-ю гадзіну.
