Паездка ў Менск на чарговыя гульні першынства рэспублікі ў валейболе дазволіла аршанкам набраць пункты. У першым паядынку, што адбыўся ў суботу, «Кацюша» перагуляла СДзЮШАР-Мінск 3:0 (25:18 25:14 25:21).
А вось другая сустрэча прынесла пэўнае расчараванне. Хаця, зыходзячы з турнірнага становішча перад паядынкам, лік 2:3, які дазволіў «Кацюшы» набраць яшчэ адзін пункт — добры вынік. Адносна добры. Усё таму, што РДУАР ідзе значна вышэй у табліцы і паказвае лепшыя за аршанак вынікі.
Сталічныя валейбалісткі былі мацнейшымі, але «Кацюша» нават вяла ў ліку 2:1. І ўсё ж у вырашальнай пятай партыі РДУАР узяў верх. У нашых спартовак на заключную партыю ўжо проста не хапіла сілы. Вынік па партыях на карысць мянчанак — 25:14 14:25 18:25 29:27 15:5.
