23-гадовы аршанец вырашыў набыць мікрааўтобус Mercedes-Benz. Прыдатны варыянт па цане знайшоў на адным з сайтаў па продажы аўтамабіляў. Цана за транспарт была ніжэйшай за рынкавую. Ён палічыў гэта выгаднай здзелкай, вось толькі не праверыў прадаўца, стаўшы чарговай ахвярай «разводу».
У часе размовы прадавец паведаміў, што ахвотных набыць аўтамабіль шмат і ён не будзе чакаць. Калі намеры ў набыцці аўтамабіля сур’ёзныя, то пры унясенні перадаплаты, ён гатовы прытрымаць аўтамабіль ад іншых пакупнікоў. Аршанец вырашыў не ўпускаць «выгадную» прапанову і дамовіўся аб памеры перадаплаты, якая склала 3330 рублёў.
Пасля пераводу дадзенай сумы, прадавец выдаліў аб’яву і наогул перастаў выходзіць на сувязь. Пакупнік жа, зразумеўшы, што яго ашукалі, звярнуўся ў міліцыю.
Па дадзеным факце Следчы камітэт завёў крымінальную справу за махлярства.
