Распачаўся футбольны турнір Мемарыял Уладзіміра Касцюкова. Ён штогод узімку праходзіць у Магілёве, а сёлета склад яго ўдзельнікаў такі самы, як і летась — акрамя аршанцаў, гэта дублі магілёўскага «Дняпра» і «Гомеля», а таксама магілёўскі «Тэхнолаг».
Менавіта з апошнімі аршанцы пачыналі турнір. Гульня не стала надта цяжкой для аршанцаў — галы заляталі ў сетку магілёўцаў рэгулярна. Канчатковы лік сустрэчы 8:1 на карысць «Воршы». Якраз у гэты дзень святкаваў свой дзень нараджэння галоўны трэнер клуба Мікалай Кітаёў.
Другую сустрэчу на спаборніцтвах у магілёўскім манежы «Ворша» правядзе з другім складам «Гомеля».
