У заключным трэцім паядынку на Мемарыяле Касцюкова ў Магілёве «Ворша» сустрэлася з дублёрамі магілёўскага «Дняпра». Аршанцы былі мацнейшымі за супернікаў — 3:1.
Аршанцы набралі 9 пунктаў з 9 магчымых. Апошні паядынак турніру, у якім дублі «Гомеля» і «Дняпра» згулялі ўнічыю 0:0, ужо нічога не вырашаў. «Ворша» стала пераможцам турніру ў другі раз за пяць гадоў. Папярэдняя перамога аршанцаў у турніры была ў 2021 годзе.
Дублёры «Гомеля» сталі на Мемарыяле Касцюкова другімі, «Дняпра» — трэцімі. Магілёўскі «Тэхнолаг» замкнуў табліцу.
