Выправа аршанскага міні-футбольнага клуба ў Светлагорск прайшла вельмі лёгка і дазволіла аршанцам падняцца на першае месца ў рэгулярным першынстве, скарыстаўшыся тым, што аступіўся «Мінск».
У гасцях у ЦКК «Вітэн» адразу пачаў паводзіць сябе як дома. Ужо на 3-й хвіліне Жыгалка загнаў першы гол у браму гаспадароў. Калі на 9-й хвіліне брамнік аршанцаў Змысля неспадзявана правёў мяч у сваю браму, лік быў ужо 3:0 на карысць энергетыкаў.
У далейшым праблем ужо не паўставала. Тры галы Разуванава, два Сініцкага, па адным дакладным стрэле Рагавіка і Балдзіна. Пры гэтым для Уладзіміра Разуванава адзін з галоў стаў 50-м у складзе «Вітэна».
Перамога 8:1 вывела чырвона-чорных на першую пазіцыю ў табліцы. Да завяршэння рэгулярнага першынства застаецца восем тураў, але ўжо ясна, што аршанцы будуць удзельнікамі вырашальнай стадыі, дзе каманды павядуць змаганне за медалі.
