У стартавым паядынку плэй-ін супраць наваполацкага «Хіміка» аршанскі «Лакаматыў» заваяваў перамогу на родным лёдзе.
Асноўныя 60 хвілін завяршыліся нічыёй 0:0. А вось у дадатковы час чыгуначнікі закінулі вырашальную шайбу і перамаглі 1:0. Пераможная і адзіная шайба на рахунку Антона Савельева.
Па выніках гульні галоўны трэнер аршанцаў Ігар Жылінскі адзначыў, штот каманда зрабіла пакуль толькі першы крок да наступнага этапу. Ён заўважыў, што абедзьве каманды гэтым разам баяліся памыліцца, таму стварылі не так шмат галявых момантаў. Трэнер задаволены, што «Лакаматыў» здабыў вікторыю і павёў у серыі. Ён запрасіў заўзятараў наведаць і гульню ў Наваполацку, што адбудзецца 3 сакавіка.
Лік у серыі 1-0. Калі ў Наваполацку «Лакаматыў» пераможа, ён выгуляе серыю і пройдзе далей, працягваючы змагацца за медалі першынства. Цікава, што ў рэгулярным першынстве «Лакаматыў» перамог «Хімік» у трох з чатырох сустрэч, але ніколі не перамагаў у асноўны час.
