Яшчэ не вядомы час гульняў, але ўжо вядомыя даты чвэрцьфінальных сустрэч беларускай хакейнай Экстралігі.
Супернік аршанскаму «Лакаматыву», які прабіўся на гэтую стадыю ўпершыню за пяць гадоў, вельмі салідны. Гэта сталічнае «Юнацтва».
Першая сустрэча каманд адбудзецца 8 сакавіка. Далей — 10 сакавіка. Абедзве ў Менску. Затым, 12 і 14 сакавіка дружыны згуляюць ужо ў Воршы.
Калі ж у серыі да чатырох перамог не будзе вызначаны пераможца за найкуарацейшы час, наступныя гульні, пры патрэбе, будуць адбывацца 16, 18 і 20 сакавіка.
Астатнія чвэрцьфінальныя пары:
«Гомель» — «Металург» (Жлобін)
«Віцебск» — «Берасце»
«Нёман» (Гародня) — «Дынама» (Маладзечна)
