У канцы сакавіка пачнецца чарговы сезон футбольнай Першай лігі першынства Беларусі. Там гуляе «Ворша».
Лёсаванне календара пройдзе 11 сакавіка і пачнецца апоўдні. А месцам правядзення працэдуры Беларуская федэрацыя футболу выбрала Ратушу ў Магілёве — важнае месца для гісторыі Беларусі.
Перад пачаткам цырымоніі прадстаўнікі клубаў Першай лігі ўскладуць кветкі на мемарыяле «Буйніцкае поле».
Такім чынам, ужо неўзабаве мы будзем ведаць даты, у якія «Ворша» будзе сустракацца са сваімі супернікамі як дома, так і ў гасцях.
