12 сакавіка на сваёй пляцоўцы аршанскі «Лакаматыў» згуляе з хакеістамі сталічнага «Юнатцва». У Менску аршанцы зазналі дзвюх паразаў і пры трэцім няўдалым выніку будуць вельмі блізкімі да вылету.
Крокаў на адступленне амаль не засталося. Пры гэтым галоўны трэнер «Лакаматыву» Ігар Жылінскі не спрачаецца на прэс-канферэнцыях з тым, што супернік мае больш майстэрства за ягоных падапечных. Аршанскі настаўнік спадзяецца на самаадданасць гульцоў, якая часам здольная ствараць цуды.
Сустрэчу прыме аршанская лядовая арэна, а старт паядынку, а 19-й гадзіне. Лік у серыі 0-2, аршанцам патрэбная перамога.
