Сёлета блакітна-чорныя зноў выступяць у Першай лізе. Дырэктарам клуба працуе Уладзімір Ларывонаў, а галоўным трэнерам Мікалай Кітаёў — вядомыя ў нядаўнім мінулым гульцы клуба, яго легенды.
Сярод супараў «Воршы» сёлетатакія каманды як: БАТЭ-II (Барысаў), «Мінск-ІІ», «Ніва» (Доўбізна), «Ліда», «Асіповічы», «Лякаматыў» (Гомель), «Юні Ікс Лабс» (Менск), «Слонім», АБФФ (юнацкая зборная Беларусі да 19 гадоў), «Белшына» (Бабруйск), «Баранавічы», «Дынама-ІІ» (Менск), «Гомель-ІІ», «Паперапрам» (Гомель), «Хваля» (Пінск), «Дняпро» (Магілёў) і «Астравец».
Першы паядынак аршанцы правядуць 28 сакавіка ў Барысаве супраць дублёраў мясцовага БАТЭ. Скончыцца сезон для аршанцаў 23 лістапада хатнім паядынкам з «Астраўцом».
Поўны каляндар апублікавала старонка «Радыё Аршыца», прысвечаная гісторыі і сучаснасці футбольнага клуба «Ворша».
Паводле рэгламету правядзення спаборніцтваў, з кожным сваім супарам у першынстве «Ворша» сустрэнецца два разы. Дома і ў гасцях, папераменна.
