На выставе сабраны дыпломныя працы выпускнікоў мастацка-графічнага факультэта Віцебскага дзяржаўнага універсітэта імя П.Машэрава. Яна праводзіцца ў межах святкавання 95-годдзя Уладзіміра Караткевіча, славутага беларускага пісьменніка - ураджэнца Оршы.
Знакаміты літаратар нарадзіўся 26 лістапада 1930 года. Сёлета на яго малой радзіме чакаецца шмат мерапрыемстваў да яго 95-гадовага юбілею. Выглядае, што выстава ў музеі - першая ў гэтым шэрагу.
Творчыя працы маладых мастакоў можна будзе паглядзець з 13 сакавіка да 4 красавіка. Таксама ў музеі дзейнічае сталая экспазіцыя “Партрэт пісьменніка і чалавека”, прысвечаная жыццю і творчасці Уладзіміра Караткевіча.
