Праэкт пастановы пра святкаванне ў 2014 годзе ўгодкаў аршанскай перамогі пададзены ў Вярхоўную Раду Украіны яшчэ 18 чэрвеня дэпутатамі Панькевічам і Асухоўскім. Паводле праэкту пастановы прадугледжвалася правядзенне навуковых канферэнцыяў, тэматычныя выступы ў школах ды іншых навучальных установах, друк шматлікай літаратуры, друк юбілейная манеты, стварэнне музейных экспазіцыяў, выдзяленне месца пад будучы помнік гетману Канстанціну Астрожскаму. У праэкце тлумачыцца такі інтарэс да святкавання Бітвы пад Оршай: "Бітва пад Оршай - гэта досвед супольных высілкаў розных народаў цэнтральнай Еўропы ў барацьбе за сваю свабоду ды незалежнасць". На сёняшні дзень, праэкт так і не разгледжаны Вярхоўнай Радай, але выклікаў вялікі рэзананс у суседняй краіне. У прыватнасці, падтрымку ідэі святкавання выказала арганізацыя "ВГО Спілка афіцэраў Украіны".

Пры гэтым, у Беларусі пытанне святкавання 500-годдзя Бітвы пад Оршай на дзяржаўным узроўні, нават, не разглядаецца. Відавочна, як у гэтым годзе святкаванне 150-годдзя паўстання Каліноўскага, так і ў наступным годзе 500-годдзе Аршанскай перамогі будзе наладжвацца грамадскімі арганізацыямі і ініцыятывамі. Так, ужо сёння вядома, што шэраг камерцыйных фірмаў распрацоўваюць сувенірную прадукцыю да святкавання, а гомельская кааліцыя "наша альтэрнатыва" абвесціла конкурс на лепшы лагатып агульна нацыянальнага святкавання. Свае прапанова па лагатыпу арганізатары конкурсу прапаноўваюць дасылаць на электронную адрэсу: [email protected] , пераможцу абяццаюць каштоўныя прызы.