Аршанка звярнулася ў міліцыю з заявай. Невядомы злачынца праз незачыненае вакно ўлез у яе дом. Там незапрошаны госць, відаць, быў толькі да таго моманту, пакуль не адшукаў спажыву - грошы. Ён знайшоў у доме 1 мільён 400 тысяч беларускіх рублёў, што і прысабечыў.
Калі гаспадыня вярнулася, то, вядома, грошаў ужо не было. Па падазрэнні ў здзяйсненні злачынства затрыманы 39-гадовы беспрацоўны.
Злачынства можна назваць справай "фортачніка" - злодзея, які пранікае ў жытло не праз дзверы, а праз вакно. Праўда, звычайна такія "спецыялісты" праходзяць менавіта праз фортку, а не праз усё вакно. Зазвычай гэта злодзеі маленькага росту, часам яны лезуць у кватэры не толькі на першым паверсе. Часта яны, пасля пранікнення ў кватэру, адчыняюць дзверы габарытным памочнікам, якія могуць вынесці значна больш маёмасці. Асцерагайцеся падобных злачынстваў, пасля зыходу зачыняйце не толькі дзверы, але і вокны!
