Аршанская каманда была ў адпачынку ад лістапада пасля трыўмфальнага выхаду ў 1-ю лігу чэмпіянату Беларусі па футболе. Сёлета сіня-белым трэба будзе змагацца зусім на іншым узроўні, чым дзесяць гадоў запар да гэтага. Аднак пакуль ні пра якія пераходы футбалістаў у каманду не вядома, таму складана сказаць, на што зможа прэтэндаваць аршанскі клуб у новым сезоне - ці будзе ўпэўненасць у тым, што ён замацуецца ў 1-й лізе ці давядзецца адчайна змагацца за права застацца ў дывізіёне.
14 лютага клуб правядзе першы таварыскі матч міжсезоння. "Ільняныя" адправяцца ў Магілёў на сустрэчу з мясцовым "Тарпеда". Старт матчу а 13:00.
