здарэнне адбылося 25 сакавіка. Паводле паведамлення следчага камітэту, трое мужчынаў - жыхары Магілёўскай вобласці - і жанчына знаходзячыся ў Смаленску, звярнуліся да мясцовага таксіста з просьбай давесці іх да Аршанскага раёну. Па дарозе пасажыры папрасілі кіроўцу спыніцца каля мястэчка Ліозна. Пад час прыпынку мужчыны якія сядзелі на задніх сядзеннях накінулі таксісту на шыю ўдаўку і адабралі 1.100 расійскіх рублёў.
Абрабаваўшы кіроўцу яны загадалі яму ехаць далей. Наступны прыпынак быў каля бліжэйшай харчовай крамы, дзе мужчыны выйшлі, каб набыць тавары - у машыне засталіся толькі кіроўца і жанчына. Абрабаваны не разгубіўся і як толькі рабаўнікі выйшлі, заблакаваў дзверы і разам з жанчынай з'ехаў да бліжэйшага паста ДАІ. Па гарачых слядах супрацоўнікі Аршанскага РАУС затрымалі траіх маладых мужчынаў. На дадзены момант яны знаходзяцца ў заключэнні, высвятляецца ступень віны кожнага.
