4 красавіка, як і кожны рабочы дзень, супрацоўніца аддзялення Белпошты адной з вёсак - якая не называецца ў зводках УУС - прыйшла на сваё рабочае месца загадзя у 8-50. Але з першага позірку і не пазнала сваё рабочае месца - дзвярныя запоры былі паламаныя, значнай часткі тавару на месцы не было. Грошы у аддзяленні пошты на ноч не пакінулі, таму начны злачынца (крадзёж адбыўся ў перыяд з 17 гадзін вечара да 8-50 раніцы) хапаў любы тавар які мог знесці: харчы, канцатавары, касметыка - агулам на 7 мільёнаў рублёў. 8 красавіка міліцыя выявіла падазраванага ў крадзяжы - ім аказаўся мясцовы жыхар 1976 года нараджэння.
Крадзёж у вясковым аддзяленні пошты - не адзінае здарэнне. Міліцэйскія зводкі зноў паведамляюць пра кантрабандныя грузы затрыманыя на дарогах раёна. Так, каля вёскі Высокае быў затрыманы мікрааўтобус пад кіраваннем грамадзяніна Расіі, які ўвёз на тэрыторыю нашай краіны 972 літра спіртаўтрымліваючай вадкасці.
У самой Оршы 6 красавіка вечарам быў затрыманы грузавік "Мэрсэдэс" з 16,7 тонамі лома чорнага металу.
