На фоне гучных Велікодных трагедый, якія ўразілі ўсю краіну - пажару ў якім загінула жанчына і дзве дзяўчынкі і забойства інспектара аховы прыроды - засталася не заўважаная яшчэ адна трагічная смерць маладой жанчыны. Пра здарэнне, якое адбылося у ноч з 10 на 11 красавіка зводкі міліцыі паведамілі толькі 13 чысла, хаця па Оршы ўжо хадзілі пра гэта розныя чуткі.
Каля вёскі Старая Будаўка, амаль на мяжы Талачынскага раёну і Крупскага раёнаў, загінула 18-гадовая аршанка. А 2-45 на яе наехаў мікрааўтобус Фольскваген Транспарцёр пад кіраваннем 40-гадовага жыхара Мінска. Ён ехаў па скрайняй правай паласе і не заўважыў дзяўчыну, якая была без флікера. Можа быць гэтае сутыкненне з мікрааўтобусам і не прывяло да смерці, але адразу ж пасля таго на дзяўчыну наехаў легкавы аўтамабіль БМВ. Пасля двух аўтамабіляў запар, шанцаў на выжыванне ў дзяўчыны не было.
