У сераду мы змясцілі матэрыял пра піва, якое варылася ў Оршы. Шмат у каго з аршанцаў гэтая тэма выклікае пэўную настальгію - ўсё ж пры добрым лёсе наш горад мог бы ганарыцца ўласнай вытворчасцю піва. Мы вырашылі высветліць, што знаходзіцца цяпер на тэрыторыі піўзавода, які ад 2006 года не функцыянуе.
Цікава, што прайсці на тэрыторыю колішняга прадпрыемства ўдалося абсалютна спакойна, не пералазячы плот і не прымаючы іншыя "сталкерскія" рашэнні. Брама завода з боку вуліцы Караткевіча была адчыненая, і карэспандэнт сайту без праблемаў трапіў на тэрыторыю. Перад вачыма апынуліся разбітыя вокны, кавалкі сценаў. Бакі, што стаялі адразу за высокім плотам з боку вуліцы Леніна, даўно прыбраныя. На ўсё тэрыторыі завода цяпер працуюць толькі некалькі гаражоў і прадпрыемства (ці склад) вокнаў ПВХ. Аднак усё гэта бліжэй да вуліцы Марата. Там жа нейкі будынак ахоўвае сабака. Па астатняй тэрыторыі распасціраюцца закінутыя будынкі, якія, на вялікі жаль, не выкарыстоўваюцца ўжо даўно.
А вось стары здымак піўзавода.
