Тэлеканал "Беларусь-1" заклапаціўся пра стан музея К.С.Заслонава ў Оршы. Музей быў створаны ў 1948 годзе рашэннем Савета міністраў БССР. Цяпер больш за 300 экспанатаў музея захоўваюцца ў сырым памяшканні, што пагражае іх стану. Будынку з экспазіцыяй ужо 101 год, цяпер на яго сценах цвіль і абсыпаная тынкоўка. Як паведамляе канал, улады Оршы абяцалі правесці касметычны рамонт перад 9 траўня, а таксама падбіраюць новы будынак для экспазіцыі.
Нагадаем, што гэта далёк не адзіны будынак у Оршы, які мае быць адрамантаваны. Асаблівую заклапочанасць у жыхароў Оршы выклікае стан былога базылянскага кляштара на беразе Аршыцы. На ўсе звароты грамадскасці ўлады і прадстаўнікі праваслаўнай царквы адказваюць адпіскамі альбо абяцаннямі выправіць сітуацыю, аднак мінаюць гады, а сітуацыя не змяняецца.
