Міліцыя пакуль што не распаўсюдзіла афіцыйную інфармацыю пра падзею. Відавочцы здарэння распавялі, што раніцай а 7 гадзіне на скрыжаванні прашпекта Тэкстыльшчыкаў і вуліцы Бабкова пры непрацуючым светлафоры жанчына паспрабавала перабегчы дарогу. У гэты ж час да скрыжавання набліжаўся грузавік з кузавам для перавозкі буйных жывёлаў. Кіроўца грузавіка не здолеў своечасова спыніць аўтамабіль. У выніку, жанчына патрапіла пад колы. Ейнае цела ўжо нежывым дасталі з-пад другой пары колаў грузавіка.
Яшчэ адна аварыя, на шчасце без ахвяраў, адбылася сёння вечарам каля 16-30 у цэнтры па вуліцы Міру. Недалёка ад старога корпусу педкаледжу не паспеў знізіць хуткасць грузавік ГАЗ. Гэтым разам грузавік патрапіў у заднюю частку легкавушкі Audi. Грузавік не пацярпеў, у легкавіка не значна пашкоджаны багажнік.
