Орша, Культура

Гістарычныя інструманты ў Оршы

20.06.2015 07:24

4363 прагляду, 0 каментароў

У Оршы выступіць музыка, даследчык, стваральнік гурта "Стары Ольса" Зміцер Сасноўскі

Наш горад Зміцер Сасноўскі наведае не столькі як музыка колькі як даследчык. Перад аршанцамі ён выступіць каб расказаць пра беларускую музычную культуру і яе гісторыю. Праўда, не абыйдзецца і без музычнага суправаджэння: Зміцер прывязе з сабой адноўленыя музычныя інтсруманты, прадэманструе іх выгляд і гучанне. Сустрэча пачнецца а 18-00 26 чэрвеня па адрасе: вул. Чырвонаармейская, д. 13.

Зміцер Сасноўскі рознабаковы чалавек, нарадзяўся ў 1974 годзе ў Гомелі. Скончыў гісторыка-юрыдычны факультэт Гомельскага дзяржаўнага ўніверсітэта, завочна вучыўся ў Рэспубліканскім інстытуце вышэйшай школы па спецыяльнасці "філасофія", стажыраваўся ў Мадрыцкім каталіцкім універсітэце.

Для вывучэння музычнай культуры і старажытных інструмантаў з навуковымі экспедыцыямі пабываў у Беларусі, Расіі, Латвіі. Таксама стажыраваўся ў Латвіі, Польшы, ЗША.

Прафесійна пачаў займацца музыкай з 1998 года. Сабраў вялікую калекцыю старажытных інструмантаў частку якіх падарыў Полацкаму краязнаўчаму музею. Вырабляе і рэстаўруе старажытныя музычныя інтсруманты, а таксама грае на іх. У 1999 годзе стаў лаўрэатам міжнароднага фальклорнага фестывалю як выканаўца на народных інструмантах, пасля чаго заснаваў гурт "Стары Ольса". З 2001 года заняўся прадусарскай дзейнасцю: арганізоўваў гастрольныя туры, прадусар фестывалю "Дударскі фэст", штогадовых калядных фестываляў, гурта LitvinTroll. Кіраўнік штогадовай міжнароднай канферэнцыі "Захаванне дудурскай традыі ва Ўсходняй Еўропе".

Выкладаў у школе, Полацкім універсітэце сусветную мастацкую культуру і гісторыю філасофіі. Аўтар дзесяткаў даследніцкіх публікацыяў і чатырох кнігаў: "Гісторыя беларускіх музычных уплываў", "Музычная культура рыцарскага саслоўя Вялікага княства Літоўскага і Каралеўства Польскага", "Гісторыя беларускай музычнай культуры ад першабытнасці да канца 18 стагоддзя", "Гісторыя беларускай музычнай культуры 19-20 стагоддзяў". Як рэжысёр зняў дакументальны фільм "Старыя інструманты Беларусі".

Акрамя таго, рэжысёр музычных кліпаў, калекцыянер рэтра-аўтамабіляў, прэс-сакратар Таварыства рэтра-транпсарту, сябра аргкамітэту "Гальшанскага фэсту", адміністратар Дударскага клуба, арт-дырэктар турыстычанага агенцтва, загадчык інфрамацыйнага аддзелу Згуртавання беларусаў свету "Бацькаўшчына".

Сустрэча адбудзецца ў рамках кампаніі АМГА "Звяз" "Мы аршанцы, мы беларусы". Уваход вольны.