24 ліпеня ў пятніцу і 25 ліпеня ў суботу чакаецца сонечнае, малавоблачнае надвор'е. Вецер у пятніцу паўночна-заходні ўмераны, а ў суботу ён зменіцца на паўднёва-усходні слабы. Тэмпература паветра ў пятніцу раніцай 15 ... + 17, удзень +22 ... + 24 градуса. У суботу пад раніцу 11 ... + 13, удзень +23 ... + 25 градуса.
Драматычныя змены ў надвор'і адбудуцца ў нядзелю, 26 ліпеня. Спачатку на кароткі час да нас паступіць трапічнае спякотнае паветра з паўднёвай Еўропы. Яно павысіць начную тэмпературу да +17 ... + 19, а ў дзённы час нават да +31 ... 33 градусаў спёкі. Але такая спякота пратрымаецца ўсяго некалькі гадзін. Ужо да вечара чакаецца праходжанне халоднага фронту, дождж, магчыма навальніца і наступнае паніжэнне тэмпературы.
Узровень Дняпра ў Оршы ў апошнія дні практычна не змяняецца - 58 см. вышэй ардынару, а вось тэмпература вады знізілася і зараз складае 18 градусаў.
