Паводле інспекцыі, трое жыхароў вёскі Аланцьева, якая знаходзіцца на поўначы Аршанскага раёну выклікалі падазрэнне тым што неслі нешта з лесу ў заплечніках і мяшках.Пры праверцы аказалася, што падазрэнні былі не дарэмныя - у мяшках знаходзілася мяса незаконна забітага лося.
Лося забіў адзін з трох затрыманых. Пасля забойства парушальнікі раздзелалі жывёлу, усё мяса расклалі ў мяшкі, а косткі закапалі на месцы. Аднак сляды цалкам схаваць не атрымалася. Інспектары знайшлі месца забойства жывёлы дзе таксама былі пакінутыя рыдлёўка і сякера.
У парушальніка канфіскавана стрэльба, вырашаецца пытанне пра завядзенне крымінальнай справы.
