Да 26-га красавіка каманды не сустракаліся паміж сабой дзесяць гадоў. Гульня ўвесну на аршанскім стадыёне прынесла "Оршы" расчараванне - параза 1:2, адзіны гол за аршанцаў забіў Дзмітрый Усачоў. Той матч адзначыўся і скандальнымі падзеямі вакол футбола, калі фанаты "Хіміка" патрапілі ў пастарунак аршанскай міліцыі.
Што цікава, "Хімік" увесь час пасля абвяшчэння незалежнасці Беларусі выступае ў адным і тым жа дывізіёне, у першай лізе.
У турнірнай табліцы "Хімік" мае ўсяго адзін пункт перавагі над "сіня-белымі".
Матч адбудзецца 16-га жніўня на стадыёне "Хімік" і пачнецца а 19:00.
