Яшчэ ў кастрычніку гэтага году ў Талачынскім раёне каля вёскі Галошава ў возеры Глыбокае масава была атручана рыба. Было відавочна, што атручэнне адбылося па прычыне чалавечага фактару. Хто ж прыенес у жыццё вадаёма той страшны фактар зараз высвятляюць адмысловыя службы.
Сайт грамадскай кампаніі "Наш дом" апублікаваў найбольш верагодныя версіі прычынаў здарэння. Па версіі "Нашага дому" найбольш верагодна, што атручэнне адбылося з-за яду ДДТ, які небяспечны ў тым ліку і для чалавеку.
Наконт таго якім чынам яд мог патрапіць у возера называюцца дзве версіі. Першая версія - ускрылася захаванне ядаў, якое стварылі ў 1944 годзе немцы пад час адступлення. Другая версія - бочкі з ядамі былі захаваныя побач з возерам у 1995 годзе мясцовым калгасам.
