Орша, Грамадства

На Магілёўскай стала бяспечней

11.12.2015 12:06

4552 прагляду, 6 каментароў

Недалёка ад крамы MartInn створаны ляжачы паліцэйскі

Пасля рэзананснай аварыі каля крамы MartInn па вуліцы Магілёўскай, у якой пацярпела маладая дзяўчына, літаральна праз два дні недалёка ад таго ж самага месца адбыўся яшчэ адзін наезд на пешахода, у якім пацярпеў малады мужчына. Гэтыя здарэнні, якія адбыліся з прамежкам усяго ў адзін дзень і сталі прычынай таго, што па Магілёўскай усталяваны першы на ўсёй вуліцы "ляжачы паліцэйскі". Няроўнасць зроблена на пешаходным пераходзе паміж аўтобуснымі прыпынкамі "Куцеенка". Таксама цяпер тут дарожнымі знакамі абмежавана хуткасць. Калі раней амаль па ўсёй Магілёўскай ехаць можна было 50 кіламетраў ў гадзіну, то цяпер на гэтым участку хуткасць не павінна перавышаць 30 кіламетраў.