Аршанскі мясакамбінат, які ў апошні час звязаны з негатыўнымі весткамі, на якім напярэдадні быў арыштаваны дырэктар і яму ўжо была знойдзеная замена, адкрыў новы сайт. На сайце нават ёсць анлайн-кансультант, якому можна задаць пытанне, якое найбольш цікавіць наведніка. Сайт створаны толькі на расейскай мове. У раздзеле "Навіны" няма ані слова пра кадравыя перастаноўкі на прадпрыемстве, пра арышт папярэдняга дырэктара і крымінальную справу, апублікаваны толькі пазітыўныя для мясакамбіната навіны, напрыклад, пра тое, што Аршанскі мясакамбінат прызнаны народнай маркай Беларусі, і навіна пра дзіцячы конкурс. Рэсурс распавядае пра прадукцыю, якая вырабляецца на камбінаце.
