Яе незвычайнасць у тым, што гарадскія ўлады сёлета адмовіліся ад высечкі вялікай ялінкі дзеля таго, каб прывезці яе на плошчу ільнокамбіната. Гэты крок выглядае цалкам апраўданым і лагічным, бо побач з Домам культуры шмат гадоў растуць елкі. Такія ж у 2013 годзе былі знішчаныя побач з Школай мастацтваў № 1 у цэнтры горада, а на ільнокамбінаце іх пакінулі. Ялінку ўпрыгожылі зверху чырвонай зоркай. Даўно вядуцца размовы пра замену чырвонай зоркі - атрыбута савецкага мінулага - на васьміканцовую Віфлеемскую зорку, але пакуль у Оршы ды іншых гарадах Беларусі пераважна выкарыстоўваецца менавіта пяціканцовая савецкая.
Акрамя ўпрыгожанай ялінкі з'явілася больш рознакаляровай ілюмінацыі на праспекце Тэкстыльшчыкаў, вуліцах Савецкая і Замкавая. Орша з кожным днём становіцца больш каляровай і падрыхтаванай да святаў.
