Раней мы ўжо распавядалі пра здарэнне, ў выніку якога пад пагрозай аказалася жыццё 45 пасажыраў аўтобуснага рэйсу Масква-Мінск. Нагадаем, аўтобус мінскай фірмы "Спасибо-трэвэл" быў на дызельным рухавіку і побач з вёскай Юрцава паліва ў ім замерзла, з-за чаго аўтобус з 45 пасажырамі, кіроўцам і сцюардэсай спыніўся пасярод трасы. Кіраўніцтва фірмы выклікала дадатковы аўтобус з Мінска, які па дарозе таксама застраў. І хаця спыненне першага аўтобуса адбылося яшчэ незадоўга да 5 гадзін ночы, у ратавальную службу пасажыры звярнуліся толькі а 7 раніцы, калі знікла надзея дачакацца дапамогі ад самой фірмы.
На месца здарэння выехалі не толькі ратавальнік, але і 2 экіпажа ДАІ, 3 брыгады хуткай дапамогі, аўтамабіль тэхнічнай дапамогі ДЭУ-7 і аўтобус аршанскага аўтапарка №3. Медыкі агледзелі грамадзян Расіі і Беларусі, якія знаходзіліся ў аўтобусе, на шчасце, дапамога медыкаў не спатрэбілася. На ўсялякі выпадак у блізкім Юрцаўскім шпіталі былі падрыхтаваны месцы для прыёму пасажыраў. Аўтобусам аўтапарка пасажыры былі дастаўлены ў бліжэйшую кавярню. І хаця рухавік аўтобуса атрымалася завесці, усе пасажыры з'ехалі на прыехаўшым дадатковым аўтобусе а 10-00.
