Новы год дорыць людзям пазітыўны настрой і часам яны любяць забаўляцца. Нестандартны выпадак, для кагосьці бязглузды, а для кагосьці смешны адбыўся ў аршанскай краме "Алмі" ў першым мікрараёне. Магчыма, маладыя мужчыны натхніліся прыгожай ялінкай, якая стаіць перад крамай, магчыма іх "завёў" алкаголь, а верагодна, яны проста хацелі расквеціць стандартнае жыццё, дзе далёк не заўсёды людзі ўсміхаюцца. Адзін з маладзёнаў залез у вазок для перавозкі прадуктаў, а ягоны сябар павёз яго на касу. Падчас "эксперыменту" нічога зламана не было і, як выходзіць з рэакцыі іншых людзей, эпізод больш павесяліў народ, чым засмуціў кагосьці. Увага! У пачатку відэа прысутнічае ненарматыўная лексіка.
UPD. Як высветлілася пасля публікацыі запісу на нашым сайце, дадзенае відэа зроблена не сёлета, а ў 2013 годзе. Аднак для шырокага кола людзей яно публікуецца ўпершыню. Прыемнага ўсім настрою ў гэтыя марозныя дні!
