Са згоды аўтараў прэзентуем нашым чытачам даволі незвычайны дакументальны фільм пра Аршаншчыну.
Фільм беларускага рэжысёра з Беласточчыны Міколы Ваўранюка “Пустазелле” - еўрапейскі погляд на беларуска-расейскае памежжа і Оршу. Погляд гэта знешні, незвыклы для нас.
У 2012 годзе фільм быў сярод намінантаў Саюзу польскіх журналістаў за міжнародную публіцыстыку. (па-польску - Stowarzyszenie Dziennikarzy Polskich: honorowe wyróżnienie Nagrody im. K. Dziewanowskiego za publikacje o problemach i wydarzeniach na świecie za film „Ugór”)
Беларуска-расейскае памежжа мае свае парадоксы. У аршанскіх крамах, напрыклад, прадаецца “Каўбаса руская па-аршанску”. У Беларусі існуе устойлівае меркаванне, што як толькі пераедзеш беларускаю мяжу, пачынаецца ПУСТАЗЕЛЛЕ, бруд, безгаспадарлівасць і натоўпы мігрантаў.
А як на самай справе? Даведацца пра гэта дапаможа Андрэй Мельнікаў – паэт, бард і вандроўнік. Фэст бардаўскай песні на Крапівенскім полі (поле бітвы пад Оршай 1514 году). З Андрэем Мельнікавым аўтары фільму здзейснілі падарожжа ў Смаленск. На беразе Дняпра на сутоку з ракой Крапіўна Андрэй Мельнікаў распавядае пра сваё жыццё і вандроўкі. Пра Оршу, у якой сфармаваўся, як творца.
Ёсць у фльме і Купалле ў “Беларускім Стоўнхеджы” – урочышчы Купы на беразе Дняпра і вечарына з аршанскімі дзячатымі і жанчынамі, з “каўбсоў памежнай “Рускай па-аршанску” і мыццём ў лазні.
Фільм быў зняты для тэлеканалу Белсат у 2011 годзе, аўтар сцэнару – аршанка Паліна Сцепаненка.
