Маладая жыхарка Оршы праз інтэрнэт пазнаёмілася з мужчынам. Ён назваўся ёй капітанам дальняга плавання. Праз нейкі час пасля знаёмства мужчына зрабіў намёк, што хоча прыслаць беларусцы падарунак, прадмет гэты будзе сюрпрызам, за яго трэба будзе толькі заплаціць грошы на пошце. Неўзабаве ад “прыхільніка” прыйшло новае паведамленне – падарунак ужо высланы, застаецца толькі заплаціць за яго перасылку ў Оршу. Жанчына перавяла грошы на электронны гаманец мужчыны, аднак падарунак так і не прыйшоў. І толькі тады яна зразумела, што яе падманулі. Вядзецца следства.
Не так даўно 40-гадовая жыхарка Менска пазнаёмілася з 50-гадовым мараком з Вялікабрытаніі і ў выніку падобнага махлярства страціла амаль 40 тысяч даляраў.
Выпадак з аршанкай і “мараком дальняга плавання” ўжо не першы ў нашым горадзе. У лістападзе 2015 года пенсіянерку з Оршы падманулі на дзве валізы грошай.
