Раней мы ўжо паведамлялі пра тое што затрыманы 34-гадовы мужчына, які падазраецца ў згвалтаванні здзейсненым, у тым ліку, і ў Оршы. Цяпер справай займаецца галоўнае ўпраўленне Следчага камітэту, якое чарговы раз звярнулася да грамадзян з просьбай паведаміць пра магчымыя згвалтаванні здзейсненыя гэтым чалавекам, якія яшчэ не вядомыя следчым. На сёняшні дзень следчым вядома пра тры згавалтаванні здзейсненыя гэтым чалавекам у Мінску і Оршы. Але ёсць меркаванне, што злачынца мог пагастраляваць і ў іншых гарадах краіны.
Першае згвалтаванне, пра якое ведаюць следчыя, датуецца 2009 годам, ва ўсіх трох выпадках мужчына нападаў на жанчын старэйшых за 40 гадоў. Самая пажылая ахвяра мела 64 гады. Гвалтаўнік - ураджэнец вёскі Дзяцель Дубровенскага раёну, але апошнім часам - пасля адбыцця пакарання за забойства ён быў вызвалены ў 2008 годзе - жыў у Мінску на прашпекце газеты "Праўда". У сталіцы ён меў свой бізнэс, а па краіне перасоўваўся на некалькіх аўтамабілях. Следчыя гавораць пра тры аўто: Сітраэн Ксанція колеру бардовы металік, Ровэр 600 цёмна-сіняга колеру і Дождж Гранд Караван серабрысты металік.
Увага! Звяртаем вашу ўвагу на тое што Следчы камітэт паведамляе новыя тэлефонныя нумары для зваротаў па гэтай справе. Тых хто можа ведаць пра іншыя эпізоды злачынстваў, просяць звяртацца па нумарах: (017) 389-52-91, (017) 389-50-02.
