Кішэнныя крадзяжы - адны з найбольш цяжка раскрываемых. Але на днях міліцыі ў Оршы затрымаць кішэннага вора атрымалася з дапамогай ратавальнікаў. Увогуле за суткі было зарэгістравана дзве заявы грамадзян пра крадзяжы з кішэняў - адна ў Талачынскім раёне, другая ў Оршы.
У Талачынскім раёне крадзёж адбыўся вечарам 9 сакавіка. Пенсіянерка, якая стала ахвярай злачынцы, позна выявіла знікненне свайго гаманца, ў якім ляжала 1,7 мільёна рублёў. Звычайна пры познім выяўленні такога злачынства знайсці вінаватага, практычна, немагчыма - у дадзеным выпадку злачынца не знойдзены. Аршанскай міліцыі пашанцавала больш. Ахвярай крадзяжу таксама стала пенсіянерка, у якой злачынца сярод дня - а 15 гадзіне 10 сакавіка - на прыпынку грамадскага транспарту выцягнуў гаманец. Злачынца выцягнуў грошы, а гаманец выкінуў. Але ахвяра злачынства ўсё гэтага заўважыла і закрычала, тым самым прыцягнуўшы да сябе ўвагу. Побач з месцам здарэння ў гэты час знаходзіўся супрацоўнік групы прапаганы аршанскага МНС Мікалай Бараш, які здолеў затрымаць злачынцу і перадаць яго міліцыі.
