Упершыню ў гісторыі правядзення камерцыйных спаборніцтваў па лёгкай атлетыцы "Дыямантавая ліга" ў амерыканскім Юджыне адбудуцца забегі ў дысцыпліне 100 метраў з бар'ерамі ў жанчын.
Удзел у іх прыме і беларуска Аліна Талай. Таксама ўдзел у спаборніцтвах возьме і алімпійская чэмпіёнка 2008 года ў гэтай дысцыпліне Доўн Харпер-Нэльсан з ЗША, а таксама іншыя моцныя амерыканкі Браяна Ролінз, Ясмін Стаўэрс, Кендра Харысан, Ніа Алі. І брытанка Ціфані Портэр. Такім чынам, Аліна Талай пазмагаецца за перамогу ў кампаніі бягух, з якімі будзе аспрэчваць і алімпійскія медалі.
