Побач з вёскай Вялікая Міцькаўшчына знаходзіцца помнік ахвярам вайны. Па тых дадзеных, якія дайшлі да нашагу часу - на гэтым месцы пахаваныя мірныя жыхары і жаўнеры Савецкай арміі, якія пры падыходзе нямецкіх войскаў засталіся ў Міцькаўшчыне, бо былі паранены і цяжка паранены. Немцы не сталі іх лекаваць, а жыўцом спалілі на ўскрайку вёскі. Менавіта тым страшным падзеям прысвечаны гэты помнік, які стаіць на ўліку як "вайсковае пахаванне" і ахоўваецца дзяржавай. 9 мая тут яшчэ ўсклалі вянок, але цяпер да помніку падыйсці без гумавых ботаў практычна не магчыма.
Да помніку вяла невялікая гравійная дарога, якая стала ахвярай пасяўной кампаніі - мясцовая гаспадарка распахала яе і засеяла кукурузай. І калі зараз каб падыйсці да поніка, трэба адмысловы абутак, то бліжэй да 3 ліпеня, калі пра ахвяраў вайны ўзгадаюць зноў, ісці на ўскладанне кветак давядзецца праз зараслі кукурузы, бліжэй да восеніпасевы ўвогуле могуць схаваць гэтае вайсковае пахаванне.
