Украінскі блогер Цім Бяспятаў прааналізаваў дадзеныя апошняга перапісу насельніцтва Беларусі, які прайшоў у 2009 годзе. Блогер цікавіўся колькасцю нацыянальных меньшасцяў у асобных адміністратыўных адзінках краіны і вылічваў найбольшыя долі канкрэтных нацыянальнасцяў у гэтых адзінках.

Самая вялікая нацянальная меньшасць у краіне па ранешйаму - рускія, але іх колькасць працягвае ад перапісу да перапісу змяньшацца. Агулам доля гэтай меньшасці ў краіне - 8,26%. Яны даволі раўнамерна размеркаваныя па ўсёй краіне і большасць складаюць толькі ў адной тэрытарыяльна-адміністратыўнай адзінцы - Скрыпліцкім сельсавеце Кіраўскага раёну. Пераважна гэта нашчадкі тых рускіх стараабрадцаў, якія збягалі з тэрыторыі расіі ў больш цярпімую да іншых рэлігіяў Рэч Паспалітую. У вёсках Скрыпліцкага сельсавету доля рускіх складае - 56% з 1.465 чалавек насельніцтва.

Больш шчыльна ў беларусі жывуць палякі - у Воранаўскім раёне палякамі назвалі сябе 81% насельніцтва. Маюцца і яшчэ шэраг сельсаветаў дзе палякі складаюць большасць. Астатнія нацыянальнасці "сваіх" тэрытарыяльных адзінак, дзе яны складалі б большасць, не маюць.

А вось, Зубаўскі сельсавет Аршанскага раёну ўвайшоў у гэты спіс як самы азербайджанскі сельсавет краіны. У гэтым сельсавеце пражывае 12 чалавек азербайджанцаў - 1 ці дзве сям'і, але ў долі мясцовага насельніцтва яны складаюць цэлых 1,6% насельніцтва - найбольшая доля сярод іншых адміністратыўных адзінак краіны.

Паводле сайту "Наша Ніва"