У ноч з 6 на 7-е, калі праваслаўныя святкуюць нараджэнне Яна Хрысціцеля, а па сумяшчальніцтву перанесенае з язычніцкага календара Купалле, у Абухава адбыўся пажар. Цяжка патлумачыць чаму так адбылося, але ў савецкія часы хрысціянскае "Купалле" (першапачаткова язычніцкае адзначалася ў ноч з 22 на 23-е чэрвеня) стала святам непаслухмянасці, маладзёны шкодзілі суседзям, палілі вогнішчы з пакрышак, перагароджвалі дарогі, пісалі на сценах дамоў. Падобна на тое, што ўзнікшую ў СССР традыцыю яшчэ не забыліся жыхары вёскі Абухава. У ноч з 6 на 7 ліпеня тут згарэў прыватны сарай з усёй маёмасцю. Мясцовыя жыхары падазраюць наўмысны падпал - сарай быў пабудаваны ў такім месцы дзе шмат каму перашкаджаў. У зводкі МНС здарэнне не патрапіла.
На фота папялішча сарая.
А ў зводкі МНС па рэгіёну на гэтым тыдні патрапіла два пажары. Першы адбыўся раніцай а 6-57 па 4-ым завулку Чарнышэўскага ў прыватным доме. Вагнём больш за ўсё пашкоджана падлога дома. Другі адбыўся днём 7-га ліпеня а 13-24 ў Коханава. Тут загарэўся таксама сарай.
