Вёска адрозніваецца даволі вялікай грамадскай актыўнасцю дзякуючы свайму старэйшыну Ігару Грышанаву. Па шмат якіх сялянскіх праблемах тут праходзяць акцыі збору подпісаў сярод жыхароў. На гэты раз подпісы збіраюць пад просьбай да цэнтра гігіены і эпідэміялогіі правесці паўнавартасны аналіз вады.
Па меркаванні вяскоўцаў, вада ў Стаўрах утрымлівае большую частку табліцы Мендзялеева і з'яўляецца адной з прычынаў смяротнасці ў населеным пункце. За апошні год у вёсцы памерла 7 чалавек, у тым ліку непенсійнага ўзросту.