Здарэнне адбылося 17-га жніўня на вуліцы Аршанскай, 46, што ў Барані. Загарэўся "Мэрсэдэс-Бэнц Спрынтэр" 2010 года выпуску. У аўтамабілі, які належыць 56-гадоваму мужчыну, агнём пашкоджаны маторны адсек і салон. Прычына пажару ўсталёўваецца. Гарэла машына ўначы, у 2:45.
У ліпені ў Оршы і раёне здараліся ўзгаранні транспартных сродкаў. 9 ліпеня каля Высокага загарэлася машына, тады героем стаў АМАПавец, які выцягнуў з салона кіроўцу. 22-га ліпеня на вуліцы Салянікава гарэў трактар, у якім агонь пашкодзіў бакавое шкло і маторны адсек.
