Орша, Грамадства

Дзіцячы садок з басейнам

24.08.2016 13:31

3787 праглядаў, 10 каментароў

У Задняпроўі будуюць дзіцячы садок з камерамі відэаназірання і басейнам.

У мікрараёне Задняпроўе-5 у Оршы будуюць дзіцячы садок па сучасных тэхналогіях. Садок будзе абсталяваны камерамі відэаназірання, лакальна-вылічальнай сеткай, трэнажорнай залай і басейнам. Фінансаванне будаўніцтва аднавілася, і генпадрадчык - СМП-724 ААТ "Трэст Белтрансбуд" - пачаў пракладваць на тэрыторыі будучага садка сістэмы вадаправода, электразабеспячэння, каналізацыю. Таксама пачаўся мантаж нутраной сістэмы ацяплення асноўнага будынку садка. Акрамя таго, усталёўваецца цэнтральная лесвіца і ўкладваецца плітка на ходніках. Работы каштуюць каля 11 мільярдаў недэнамінаваных рублёў.