Трое жыхароў Оршы былі затрыманыя не далёка ад возера Свіракі Дубровенскага раёну. Пры праверцы аўтамабіля інпектары аховы жывёльнага і рассліннага свету выявілі ў багажніку 6 сетак з рыбай і ёмкасць у якой ляжала рыба ўжо выбраная з сетак. Агулам інспектары налічылі 282 рыбіны агульнай вагой у 40 кілаграмаў. На незаконных рыбаловаў заведзена крымінальная справа з магчымым штрафам у 6.000 новых рублёў. Акрамя таго, на іх аўтамабіль накладзены арышт.
У суседнім Горацкім раёне, а дакладней, на мяжы Горацкага і Дрыбінскага раёну таксама выяўлены факт браканьерства. У зоне цішыні паляўнічых тэрыторый - месца дзе паляванне забаронена - ахоўнікі прыроды выявілі забітага лося вагой у 450 кілаграмаў. На тым жа месцы знайшлі мех і вяроўку, а ў самім целе жывёлы кулю. У якасці падазраванага разглядаецца паляўнічы з вёскі Цёмны лес. У падазраванага канфіскавана стрэльба, а кавалкі поўсці яго сабакі на якой знойдзены сляды крыві адпраўлены на экспертызу. У выпадку, калі падазрэнне падцвердзіцца, то толькі кампенсацыя нанесенай шкоды для паляўнічага пацягне на 900 базавых адзінак.
Фота сайта дзяржінспекцыі.
