Рэканструкцыя пажарнай часткі ў цэнтры прыцягнула увагу многіх гараджанаў. Гэта і не дзіўна — будынак знаходзіцца ў гістарычнай частцы горада, на тэрыторыі былога замка. Пры гэтым, нейкага грамадскага абмеркавання праэкта рэканструкцыі не было. Прапануем вам на старонках нашага сайту выказаць сваё меркаванне да гэтых работаў МНС.
На галоўнай старонцы сайта размешчана апытанне "Як лепш паступіць з пажарнай часткай у цэнтры горада?" з пяццю варыянтамі адказаў. Першы варыянт прадугледжвае сённяшні сцэнар дзеянняў — рэканструяваць і пакінуць там жа ў цэнтры горада. Але ці месца пажарнай частцы менавіта тут? Другі варыянт адказу ў апытанні прадугледжвае перанос будынка ў іншае месца горада, але без канкрэтнага адказу, што рабіць з вызваленай плошчай.
Астатнія тры варыянты гавораць пра магчымыя варыянты выкарыстання тэрыторыі пры ўмове пераносу пажарнай часткі. Калі ж у апытанні вы не знайшлі падыходзячага варыянта, то запрапануйце яго ў каментарах да гэтага артыкула.
